ئەنجوومەنی وەزیرانی عێڕاق پێشنیازێکی بانکی ناوەندی عێراقی پەسەندکرد سەبارەت بە جێگیرکردنی بەهای دینار بەرامبەر بە دۆلار و بڕیاریدا هەر ١٠٠ دۆلارێک بە ١٣٠ هەزار دینار بگۆڕێتەوە.
چاوگێک لە نوسینگەی راگەیاندنی سەرۆکوەزیرانی عێراق بە ئێن ئاڕ تی وت، بڕیارەکە لەلایەن ئەنجومەنی وەزیرانەوە پەسەند کراوە و لەسەر پێشینازی بانکی ناوەندی بووە.
لە رۆژی رابردوو
بانکی ناوەندی عێراق پێشنیازی نزمکردنەوەی بەهای جێگیری دۆلار ئاڕاستەی ئەنجوومەنی
وەزیرانی عێراق کرد و تێیدا داوای کردبوو بەهای هەر دۆلارێک ببێتە ١٣٠٠ دینار.
ئەمڕۆ ئەنجوومەنی
وەزیرانی عێراق بە ئامادەبوونی محەمەد شیاع سودانی سەرۆک وەزیران کۆبوونەوەی ئاسایی
خۆی ئەنجامدا و لەو کۆبوونەوەیەدا پێشنیازەکەی بانکی ناوەندی پەسەندکرد و لە بودجەی
ئەمساڵی عێراق هەر دۆلارێک بەرامبەر ١٣٠٠ دینار دەبێت.
لە ئێستادا نرخی ١٠٠ دۆلار لە
بازاڕەکانی پارێزگای هەولێر ١٤٨ هەزار دینارە و پەسەندکردنی پێشنیازەکەی بانکی ناوەندی
بۆ کەمکردنەوەی بەهای جێگری دۆلار کاریگەری خێرای لەسەر بازاڕەکانی دراوی هەرێم و
عێراق هەبوو.
لە سەرەتای دەستبەکاربوونی
محەمەد شیاع سودانی سەرۆک وەزیرانی عێراق هەولی بەرزکردنەوەی بەهای دیناری دا بەرامبەر
دۆلار بۆپ ئەو مەبەستەش چەندین پەرلەمانتاری عێراق و سەرکردەی لایەنە سیاسیەکان لە
پێشتر پێشنیازی کەمکردنەوەی بەهای جێگری دۆلاریان کردبوو.