ئاماژەی بەوەشداوە، دەقی بڕیارەکان بۆ دۆزینەوەی باشترین ئامڕازەکانی خزمەتگوزاری و کەمکردنەوەی تێچووەکانی هاوڵاتیانە لە زۆربەی کەرتەکان و بڕیارەکان بریتین لە :

یەکەم: هەڵوەشاندنەوەی گرێبەستی کۆمپانیاکانی پشکنینی توندوتۆڵی ئۆتۆمبێل کە نرخی هەر پشکنینێک ٣٠ هەزار دینارە.

دووەم: هەڵوەشاندوەی گرێبەستی کۆمپانیاکانی دەرهێنانی مۆڵەتی شۆفێری لەگەڵ وەزارەتی ناوخۆ و بۆ ئەم مەبەستەش ئەو کەسانەی دەیانەوێت مۆڵەتی شۆفێری دەربهێنن دەتوانن مامەڵە و پشکنینە جەستەیەکانیان لە بەڕێوەبەرایەتییەکانی هاتووچۆ ئەنجامبدەن.

سێیەم: هەڵوەشاندنەوەی گرێبەستی کۆمپانیای سندوقی شەهیدانی پۆلیس بەڕێوەبەرایەتی هاتووچۆ کە نرخی یەک مامەڵە لەم کۆمپانیایە ٣٥ هەزار دینارە.

چوارەم: حەواڵە کردنی ئەو باج رسوماتەی بە بڕیاری سەرۆکایەتی کۆماری ژمارە ٤٠ی ساڵی ٢٠١٥ لە کاتی تۆمارکردنی ئۆتۆمبێل و گۆڕینی ناوی خاوەنداری ئۆتۆمبێل لە هاوڵاتیان وەردەگیرێت بۆ وەزارەتی ئاوەدانکردنەوە و شارەوانی پارێزگاکان بە مەبەستی بەکارهێنانی لە نۆژەنکردنەوەی رێگاوبانەکان.

پێنجەم: راسپاردنی بەڕێوەبەرایەتییەکانی هاتووچۆ بۆ توندکردنەوەی رێکار و مەرجەکان لەسەر وێستگەکانی قەپانی ئۆتۆمبێل، چونکە کاریگەری نەرێنییان لەسەر رێگا و بانەکان هەیە.

شەشەم: گەشەپێدان بە تواناکانی کادر و فەرمانبەرانی بەڕێوەبەرایەتی هاتوچۆ و وەزارەتی ناوخۆ کە شێوازی خزمەتکردنیان لە سەربازیەوە گۆڕدراوە بۆ مەدەنی و دەوامکردنیان بە شێوەی بەیانیان و ئێواران دەبێت.

حەوتەم: سوود وەرگرتن لە بەشی تۆمارکردن و سەرپێچی لە بەڕێوەبەرایەتی هاتووچۆ و هەماهەنگیان لەگەڵ وەزارەتی دارایی بۆ دابینکردنی پێویستییە تەکنیکییەکان و پێدوایستی رۆژانە بۆ کارکردن بەبێ وەستان بە پاساوی نوێکردنەوەی گرێبەست لەگەڵ کۆمپانیاکان و دیاریکردنی رێژەیەک لە داهاتی وەزارەی ناوخۆ بۆ بودجەی ساڵی ٢٠٢٣.

هەشتەم: کۆتایی هێنان بە دیاردەی عەریزەنووسەکانی دەوروبەری بەڕێوەبەرایەتییەکانی هاتووچۆ بە شێوەیەکی یەکجاری تاوەکو سەرجەم مامەڵە و فۆرمەکان لەلایەن ئەفسەر و کارمەندی ناو بەڕێوەبەرایەتییەکان ئەنجامبدرێن.