PM:03:48:01/04/2026
44 جار خوێندراوەتەوە
+
-
گاتوزۆ دوپاتیکردەوە هەست بە بێ هیواییەکی زۆر دەکات و داهاتووشی لە
ئێستادا هیچ گرنگییەکی نییە.
جینارۆ گاتوزۆی راهێنەری هەڵبژاردەی ئیتاڵیا داوای لێبووردنی لە هاندەرانی
وڵاتەکەی کرد دوای ئەوەی بۆ سێیەم جاری لەسەریەک نەیانتوانی سەرکەوتن بۆ مۆندیال
بەدەستبهێنن و راشیگەیاند، یاریزانەکانی شایستەی ئەم ئەنجامە نەبوون و بەوپەڕی سۆز
و خۆڕاگرییەوە جەنگان بۆ گەیشتن بە مۆندیال.
راهێنەرە ئیتاڵییەکە بە
خەمبارییەوە باسی لەوە کرد کە ئەم شکستە ئازارێکی زۆری هەیە و وەک ئەوە وایە خوێن
لە جەستەیدا نەمابێت چونکە گەیشتن بە مۆندیال بۆ وەرزشی وڵاتەکەیان زۆر گرنگ بوو.
سەبارەت بە بڕیارەکانی
ناوبژیوان و کارتی سوورەکەش گاتوزۆ نەیویست بیانوو بهێنێتەوە و ئاماژەی بەوە کرد
کە تۆپی پێ هەوراز و نشێوی تێدایە و دەبێت راستییەکان قبووڵ بکرێن هەرچەندە قورسیش
بن.
راهێنەرەکە جەختیشی کردەوە، لە ئێستادا باسی داهاتووی خۆی وەک ڕاهێنەر
گرنگ نییە و ئەوەی جێگەی داخە تەنها بێبەشبوونی ئیتاڵیایە لە جامی جیهانی.
وتیشی: هەست بە بێهیواییەکی گەورە دەکەم و تەنها دڵخۆشیم ئەوەیە کە
یاریزانە گەنجەکان هەموو توانایەکی خۆیان لە ناو یاریگادا بەکار هێناوە بەڵام
بەداخەوە بەخت یاوەریان نەبووە و نەیانتوانی ئەو گرێ کوێرەیەی نەگەیشتن بە مۆندیال
بکەنەوە.