AM:11:34:24/01/2026
260 جار خوێندراوەتەوە
+
-
ئەربێلوا بە هیچ
شێوەیەک ئارنۆڵدی نەکردووەتە دەرەوەی پلانەکانی و داوای رۆیشتنی لێ نەکردووە.
چەند رۆژنامەیەکی
بەڕیتانی لە هەواڵێکی چاوەڕوان نەکراودا بڵاویانکردەوە کە ئەلڤارۆ ئەربێلوای
راهێنەری ریاڵ مەدرید بە ئەلیکساندەر ئارنۆڵدی بەرگریکاری یانەکەی وتوە لە دەرەوەی
پلانەکانیەتی و لە ئێستاوە بە دوای یانەیەکی نوێدا بگەڕێت کە پەیوەندی پێوە بکات.
دوای چەند
کاتژمێرێک، رۆژنامەی ئاسی ئیسپانی ئاشکرایکرد، بە هیچ شێوەیەک ئەربێلوا بە ئەستێرە
ئینگلیزیەکەی نەوتوە ریزەکانی ریاڵ مەدرید جێبهێڵێت و ئەو بابەتە دوورە لە راستیەوە.
ئەو رۆژنامەیە
دوپاتیکردووەتەوە، راهێنەری یانەی شاهانە بە ئارنۆڵدی وتوە کە بە خێرایی هەوڵی
چاکبونەوە لە پێکانەکەی بدات تا بگەڕێتەوە بۆ یاریگاکان و وەک یاریزانی سەرەکی لە
باڵی راستی بەرگری پشتی پێببەستێت.
ئاماژەی بەوەشداوە،
بەرپرسانی ریاڵ مەدرید و تەنانەت راهێنەری یانەکەش متمانەی تەواویان بە تواناکانی
یاریزانە ئینگلیزیەکە هەیە و دڵنیان کە دەتوانێت تا چەند ساڵێکیتر ئاستێکی نایاب
لەگەڵ یانەکەیان پێشكەش بکات بەڵام ئێستا بەهۆی پێکانەوە ئاستی دابەزیوە و لە
ماوەی داهاتوودا راهێنانی تایبەتی بۆ دیاریدەکەن تا بگەڕێتەوە سەر ئاستە
نایابەکەی.
خ . ک