PM:11:33:17/01/2026
408 جار خوێندراوەتەوە
+
-
فلێک دوپاتیکردەوە گرنگی
بە ئەنجامەکانی تیپەکانی دیکە نادات و تەنیا سەرنجی لەسەر بەرشەلۆنەیە و دەیانەوێت
لە هەموو یارییەک بردنەوە بەدەستبهێنن.
پێش
رووبەرووبوونەوەی ریاڵ سۆسیداد، هانسی فلێکی راهێنەری بەرشەلۆنە وتی: ڕیاڵ سۆسیداد یەکێکە لەو تیپانەی باشترین تۆپی پێ لە ئیسپانیا پێشکەش
دەکەن.
یاری کردن لە یاریگای ئەوان هەمیشە تاقیکردنەوەیەکی سەختە،
ئەوان فشارێکی زۆر دەکەن و یاریزانی تەکنیکی بەهێزیان هەیە، بۆیە دەبێت لە
بەرزترین ئاستی خۆماندا بین بۆ ئەوەی سێ خاڵەکە بەدەست بهێنیین.
وتیشی: ئەوەی بیەوێت بۆ بەرشەلۆنە یاریی بکات دەبێت لە
سەدا سەد و بە دڵ ئەوەی بوێت، ئەگەر وا نەبێت ئەوە منیش ئەوم ناوێت، لامین و
یاریزانە گەنجەکانی تر بەشێکی سەرەکین لە پلانەکانم، ئەوان وزەیەکی زۆرمان پێ
دەبەخشن، لامین دەزانێت چۆن بڕیاری دروست بدات لە کاتە هەستیارەکاندا، بەڵام دەبێت
بەردەوام بین لە پاراستنی و پەرەپێدانی ئاستی.
فلێک دەشڵێت: بردنەوە وەک کرێ وایە و دەبێت هەموو رۆژێک
کرێکە بدەیت، ئێمە نامانەوێت تەنها ببەینەوە، بەڵکو دەمانەوێت بە شێوازێکی
سەرنجڕاکێش یاری بکەین.
سەبارەت بە ریاڵ مەدرید وتی: من سەیری ئەنجامی تیپەکانی
تر ناکەم، تەنها سەرنجم لەسەر بەرشەلۆنەیە، ئەرکی ئێمە ئەوەیە کە هەموو یارییەک
ببەینەوە بۆ ئەوەی لە لوتکەدا بمێنینەوە، ئەوەی ڕکابەرەکانمان دەیکەن لە دەستی
ئێمەدا نییە.