PM:01:25:15/01/2026
300 جار خوێندراوەتەوە
+
-
کارڤاخال دانیبەوەدانا ریاڵ مەدرید لە خراپترین
دۆخیدایە و یاریزانەکانیشی بە بەرپرسی شکستەکەیان دانا.
دانی کارڤاخال، کاپتن و بەرگریکاری یانەی ریاڵ
مەدرید، دوای ماڵئاواییکردنی کتوپڕ و شۆکهێنەری یانەکەی لە جامی شای ئیسپانیا،
لێدوانێکی توندی دا کە گوزارشت بوو لە قەبارەی ئەو ئازار و تووڕەییەی لە ناو ژووری
گۆڕینی جلوبەرگی یانە شاهانەکەدا هەیە.
کارڤاخال بە بوێرییەوە لە لێدوانێکدا بۆ
ڕۆژنامەی مارکا دانی بەوەدا نا کە یانەکە لە خراپترین دۆخی خۆیدایە و وتی: بە
ڕاستگۆیی و بەداخەوە، ئێمە گەیشتووینەتە نزمترین ئاست بە شێوەیەکی تۆقێنەر و
ناتوانرێت وێنەکە لەوە جوانتر بکرێت.
کارڤاخال بەرپرسیارێتی تەواوی شکستەکەی خستە
ئەستۆی یاریزانەکان و ئاماژەی بەوە کرد کە دەبێت باجی ئەم دۆڕانە بدەن، چونکە لە
کۆتاییدا ئەوان بەرپرسن لەوەی لە ناو یاریگادا روودەدات.
هەروەها
بە تووڕەییەوە وتی: قبوڵکراو نییە یانەیەکی وەک ریاڵ مەدرید لەسەر دەستی تیپێکی
پلە دوو بکرێتە دەرەوە و جەختی کردەوە کە لە بەیانییەوە کاتی رەخنەگرتنێکی توندە
لە خودی خۆیان.
کارڤاخال پەیامێکی روونی ئاراستەی هاوڕێکانی کرد
و باسی لەوەکرد پێویستە کارێکی زۆر زیاتر بکەن بۆ ئەوەی ڕکابەری لەسەر ئەو دوو
پاڵەوانێتییەی کە ماوە بکەن و ئەوەی دەکرێت رزگاری بکەن.
لە
کۆتاییشدا داوای لێبووردنی لە هاندەران کرد و دانی بەوەدا نا کە لە ئێستادا
ئاستیان لە ئاستی چاوەڕوانییەکانی ئەم یانە گەورەیەدا نییە، بەڵام بەڵێنی دا لە
مانگەکانی داهاتوودا هەموو هەوڵێک بدەن بۆ گۆڕینی ئەم بارودۆخە.