سەردێڕ:

بەهۆی کەڵەکەبوونی بەفرەوە هۆڵی بۆنەکانی هەڵەبجە داڕما

PM:10:10:18/01/2022

9080 جار خوێندراوەتەوە

شەپۆلێکی بەفربارین بەشێک لە شارەکانی هەرێمی گرتووەتەوە و هۆڵی بۆنه‌كانی هه‌ڵه‌بجه‌ش به‌هۆی كه‌ڵه‌كه‌بوونی به‌فرەوە داڕما.


بەگوێرەی زانیارییەکانی پەیامنێری ئێن ئاڕ تی، بەهۆی بارینی بەفرێکی زۆر و کەڵەکەبوونی بەفرەوە هۆڵی بۆنەکانی هەڵەبجە داڕما.

ئەمڕۆ سێشەممە، کەشناسی هەرێم وتی، لە سبەینێوە جارێکی دیکە بەفربارین دەستپێدەکاتەوە و پلەکانی گەرما بەشێوەیەکی بەرچاو دادەبەزن و هۆشداریش دەدات، کە شەقام و رێگاوبانەکان دەیبەستێت.

چەند رۆژێکە شەپۆلێکی بەفربارین و سەرما شارەکانی هەرێمی گرتووەتەوە، بەپێی راگەیەندراوێکی کەشناسی، پێنجوێن بە ١٧پلەی ژێر سفر ساردترین ناوچەی هەرێم بووە.

دوێنێش، لە دوو راگەیەندراوى جیادا پارێزگارى سلێمانى و پارێزگارى هەڵەبجە باسیان لەوەکرد، کە رۆژانی سێشەممە و چوارشەممە پشووی فەرمیە لە سەرجەم دامەزراوەکانی حکومەتدا لە سنوری ئەو دوو پارێزگایە، جگە لە فەرمانگە خزمەتگوزارییەکان.













گەلەری