PM:11:18:04/08/2025
1320 جار خوێندراوەتەوە
کرێکارێك لە داقوق، سەقفی خانوویەک بەسەریدا رووخا و بەهۆیەوە گیانی لەدەستدا، هاوکات دوو کرێکاری تریش بەهۆی رووداوەکەوە برینداربوون و رەوانەی نەخۆشخانە کراون.
ئەمڕۆ دووشەممە ٤ـی ئابی ٢٠٢٥، لە داقوقی سنووری پارێزگای کەرکوک دوو کرێکار لەکاتی دانانی سەقفی چینکۆ بۆ ماڵێك، سەقفەکە دەڕووخێت بەسەریاندا و بەهۆیەوە کرێکارێک دەستبەجێ گیانی لەدەستدا و دوو کرێکارەکەی تریش بریندارن.
چاوگێک لە نەخۆشخانەی
داقوق بە ئێن ئاڕ تی وت، لە گەڕەکی خەمڕەی داقوق سێ کرێکار لەکاتی دانانی سەقفی چینکۆی
خانوویەک، سەقفەکە دەكەوێت بەسەریاندا و دستبەجێ یەکێکیان گیانی لەدەستداوە و دوو
کرێکارەکەی دیکەش برینداربوون و رەوانەی نەخۆشخانە کراون و یەکێک لە بریندارەکان
برینەکەی سەختە.
ئەو کرێکارەی گیانی
لەدەستداوە، ناوی محەمەد جەمالە ، تەمەنی ١٨ ساڵە و پیشەى کرێکارە و دانیشتووی داقوقە
و ئێستا تەرمەکەی بۆ توێکاری رەوانەی پزیشکی دادی کەرکوک کراوە.
سۆران محەمەد - کەرکوک
