دژی نەبوونی خزمەتگوزاری جارێکی تر دانیشتوانی خەباتی لە سنووری هەولێر گردبوونەوە و دەڵێن، حکومەتی ماوەبەسەرچوو سنوورەکەیانی پشتگوێ خستووە.
ئەمرۆ چوارشەممە ٣٠ـی تەممووزـی ٢٠٢٥، جارێکی دیکە دانیشتووانی خەبات گردبونەوە و رێگایان بەڕووی تەنکەر و بارهەڵگری سوتەمەنی داخستووە و ڕێگە نادەن کەس پیایدا تیپەڕبێت.
دانیشتووانی خەبات بە
ئێن ئاڕ تییان وت، بەپێی پێویست ئاوڕییان لێنادرێتەوە و لە رووی خزمەتگوزاری ئاو و کارەباوە
حکومەتی ماوەبەسەرچوو پشتگوێی خستوون.
هاوکات، شۆفێرانی
بارهەڵگریش دەڵێن گرفت بۆ هاتووچۆی ئەوانیش دروست بووە و ئەو رێگایەی داخراوە ئەو بارهەڵگرانەی
پێدا تێپەڕدەبێت کە زۆربەیان لە پاڵاوگەکانی سنوورەکەوە هاتوون، بەتایبەت لە رێگای
هەولێر-موسڵ.
ئەمە لەکاتێکدایە، لەماوەی
هەفتەی رابردوو چەند جارێک دانیشتوانی خەبات دژی نەبوونی خزمەتگوزاری گردبوونەوە و
حکومەتی ماوەبەسەرچوو بەدەمیانەوە ناچێت، هاوکات بەشێکی دیکەی گەڕەکەکانی سلێمانی
و هەولێر بەم هاوینە بێ ئاون و جووڵانەوەی نەوەی نوێ بەتانکەر ئاوی بۆ دابین کردوون.