PM:08:28:26/07/2025
1940 جار خوێندراوەتەوە
هاتووچۆی گەرمیان دەڵێت، کەمێک پێش ئێستا لەسەر رێگای کەلار - ناحیەی باوەنور نزیک گوندی رەند علی خان ئۆتۆمبێلێک وەرگەڕا و بەهۆیەوە شۆفێرەکەی گیانی لەدەستدا.
ئەمڕۆ شەممە ٢٦ـی تەمموزی ٢٠٢٥، بەڕێوەبەرایەتی هاتووچۆی گەرمیان بڵاویکردەوە، لەنزیک گوندی رەند علی خان ئۆتۆمبێلێکی جۆری تۆیۆتا پیک ئاب کە بەئاڕاستەی ناحیەی باوەنور رۆیشتووە، کۆنترۆڵی لەدەستدا و وەرگەڕا.
ئاماژەی بەوەشکردووە، بەهۆی رووداوەکەوە شۆفێری ئۆتۆمبێلەکە بە سەختی برینداربوو و دواتر بەمەستی
وەرگرتنی چارەسەر گەیەنرایە نەخۆشخانەی شەهید مەلا احمد لە ناحیەی باوەنوور و
بەهۆی سەختی برینەکەیەوە گیانی لەدەستدا.
هاتووچۆی گەرمیان باسی لەوەشکردووە، لە ئێستادا تیمی هاتووچۆ
لێکۆڵینەوەیان لە رووداوەکە دەستپێکردووە بەمەبەستی زانینی هۆکار و چۆنیەتی رووداوەکە.
