AM:10:02:23/07/2025
2128 جار خوێندراوەتەوە
بڕیارە حکومەتی ماوەبەسەرچووی هەرێم لەبارەی پرسی مووچە و جێبەجێکردنی دەقی رێککەوتننامەکەی هەرێم و بەغدا کۆببێتەوە.
ئەمڕۆ چوارشەممە، ٢٣ی تەمووزی ٢٠٢٥، بە پێی راگەیەندراوێکی فەرمانگەی میدیا و زانیاری حکومەتی ماوەبەسەرچووی هەرێم، کۆبوونەوەیەک ئەنجامدەدەن بە سەرپەرشتیی مەسرور بارزانی، سەرۆكی حکومەتی ماوەبەسەرچوو و تیایدا دوو بڕگە تاووتوێ دەکەن.
لە
راگەیەندراوەکەدا هاتووە، بڕگەی یەكەم پەیوەستە بە پێشهاتەكانی ئەم دواییەی تایبەت
بە جێبەجێكردنی دوا رێككەوتن و لەیەكترگەیشتنی هاوبەشی نێوان هەردوو هەرێم و بەغدا
و هەروەها پرسی مووچە و شایستە داراییەكانی هەرێم و دۆسیەی نەوت و داهاتی نانەوتی
تاووتوێ دەكرێت.
لە بڕگەی دووەمدا كۆنووسی كۆبوونەوەی تایبەت بە جێبەجێكردنی دەقی رێككەوتننامەی
نێوان هەرێم و بەغدا بە مەبەستی دانانی میكانیزمی رێكخستنی كارەكانی دەستەی
پێوانەسازی و كۆنترۆڵی جۆریی هەرێم تاووتوێ دەكرێت.
