PM:09:03:18/07/2025
1496 جار خوێندراوەتەوە
میشێل پلاتینی فەرەنسی، کە بە یەکێک لە گەورەترین یاریزانانی تۆپی پێی ئەوروپا دادەنرێت، لە ماڵەکەی خۆیدا لە فەرەنسا ٢٠ نازناو و مەدالیای لێدزراوە و پۆلیسی مارسیلیاش لێکۆڵینەوەی لە رووداوەکە دەستپێکردووە.
ئەمڕۆ هەینی ١٨ـی تەمموزی ٢٠٢٥، میدیاکانی فەڕەنسا بڵاویانکردەوە، دز چووەتە سەرماڵی میشێل پلاتینی سەرۆکی پێشووی یەکێتی تۆپی پێی ئەوروپا و ٢٠ جام و مەدالیای لێدزراوە، کە لەسەردەمی کاروانی وەرزشیدا بەدەستی هێناوە.
بەگوێرەی میدیا
فەڕەنسییەکان، کاپتنی پێشووی فەڕەنسا و ئەستێرەی یانەی یۆڤانتۆس لەکاتی
دزیکردنەکەدا خۆی لە ماڵەوە بووە و هەستی بە بوونی دزەکە کردووە.
میدیاکان
ئاماژەیان بەوەشکردووە، بەرەبەیانیمیشێل پلاتینی بە دەنگی دزەکە خەبەری
دەبێتەوە، بەڵام تا هەڵدەستێت دزەکە کاری خۆی کردووە و هەڵاتووە.
پۆلیسی
مارسیلیاش لە بارەی رووداوەکەوە وتوویانە، دەستیان کردووە بە لێکۆڵینەوەی
سەرەتایی بۆ ناسینەوەی دزەکە و لە هەوڵدان بۆئەوەی دەستگیری بکەن.
