PM:08:13:05/07/2025
5024 جار خوێندراوەتەوە
لەسەر مووچەی هەرێم چاوگێکی ئاگادار بە ئاژانسێکی عێراقی وتووە، بەهۆی دروستکردنی ئاستەنگەوە لەلایەن دەسەڵاتدارانی هەرێمی کوردستان، کۆبوونەوەکانی بەغدا و هەولێر بەرەو ئاڵۆزی چووە، دەشڵێت بڕیارە لە کۆبوونەوەی سێشەممەی ئەنجومەنی وەزیرانی عێراقدا بریارێک لەسەر مووچەی هەرێم بدرێت.
چاوگەکە دەشڵێت، حکومەتی هەرێم پێداگری دەکات و دەیەوێت بەشێکی کەمی نەوتی هەرێم رادەستی سۆمۆ بکات و زۆرینەی لای خۆی بهێڵتەوە، باسی لەوەش کردووە کێشەیەکی تر کە حکومەتی ماوەبەسەرچوو دروستی کردووە ئەوەیە، بە بەغدای وتووە پێویستە ئێوە قەرزی کۆمپانیاکان بدەنەوە.
چاوگەکە وتیشی، بەغدا بەوە رازی نییە و بە هەرێمی وتووە نەوت و
داهاتی ناوخۆ رادەست بکەن بەو شێوەیەی پێشتر رێکەوتنی لەسەر کراوە، ئەوکات مووچە
دەنێرن، بڕیاریشە ئەم هەفتەیە دادگای فیدراڵی کۆببێتەوە و ئەگەری هەیە بڕیارێک
لەسەر ناردن یاخود نەناردنی مووچەی هەرێم بدات.
ئەوەش لە کاتێکدایە، زیاتر لە دوو مانگە مووچەخۆرانی هەرێم یەک
دیناریان وەرنەگرتووە و حکومەتی ماوەبەسەرچووش نە ئامادەیە لەگەڵ بەغدا رێکەوێت نە
خۆیشی لە داهاتی نەوت و ناوخۆ مووچە دابەش دەکات.
