ئاماژەی بەوەشکرد، فڕۆکەخانەی نێودەوڵەتی بەغدا، بەسرە و نەجەف هەموویان شاهیدی چالاکییەکی بەرچاو بوون لە هاتووچۆی ئاسمانی عێراق و ئەم هاتووچۆیە وردە وردە دوای ماوەی داخستنەکە بەرەو ئاسایی بوونەوە دەچێت.

باسی لەوەشکرد، کۆمپانیای گشتی بۆ خزمەتگوزارییەکانی هێڵی ئاسمانی پەیوەندی لەگەڵ ژمارەیەک هێڵی ئاسمانی تر دەکات بۆ دووبارە دامەزراندنەوەی عێراق وەک رێڕەوێکی سەرەکی، بە لەبەرچاوگرتنی سەقامگیری ئاسمانی عێراق.

سەبارەت بە گەشتە ئاسمانییەکانی هێڵی ئاسمانی عێراق وتی، دوێنێ ١٣ گەشت و ئەمڕۆ ١٥ گەشت ئەنجامدراون، بڕیارە رۆژانە ٢٨ گەشت لە سەرەتای هەفتەی داهاتووەوە دەستپێبکات، کە بەسەر فڕۆکەخانەکانی بەغدا، بەسرە و نەجەف دابەش دەکرێت.

دەشڵێت، پێویستە جیاوازییەکە روون بێت لە نێوان چالاکییەکانی هێڵی ئاسمانی عێراقی لەلایەک، لەگەڵ جوڵەی فڕۆکەکان بەسەر ئاسمانی عێراقدا لەلایەکی دیکەوە.

وتیشی، ژمارەی گەشتی فڕۆکەی ئاسمانی لە رۆژی یەکەمدا گەیشتە ١١٤ گەشت و لە رۆژی دووەمیشدا دوو هێندە زیادیکرد زۆرێک لە هێڵە ئاسمانییەکانی کەنداو وردە وردە گەڕاونەتەوە بۆ بەکارهێنانی ئاسمانی عێراق وەک رێڕەوی خۆیان.

ئەوەشی خستەڕوو، فڕۆکەخانەی بەسرە لەماوەی دوو رۆژی رابردوودا رۆژانە ٢٣ گەشتی تۆمارکردووە، لەکاتێکدا فڕۆکەخانەی بەغدا ٣٦ گەشتی تۆمارکردووە، بەهەردوو هاتن و رۆیشتن.