PM:01:26:19/05/2025
1088 جار خوێندراوەتەوە
بەرەبەیانی ئەمڕۆ یەکەم کاروانی حاجییانی هەرێمی کوردستان بەرەو سعودیە بەڕێ کەوتن کە ژمارەیان ١٤٤ کەس بوون و وەزیری ئەوقاف و کاروباری ئایینیش دەڵێت، "رێکارەکانمان توند کردووە و کەس ناتوانێت حەجی نایاسایی بکات".
ئەمڕۆ دووشەممە ١٩ـی ئایاری ٢٠٢٥، کاروانێکی دیکەی حاجییان کە ژمارەیان ١٤٤ کەسە، لە رێگای فڕۆکەخانەی سلێمانییەوە بەرەو سعودیە بەڕێ دەکەوێت و وەزارەتی ئەوقافی هەرێمیش بڵاویکردەوە، لە ساڵی رابردوودا لیژنەیەکی لێکۆڵینەوە پێک هێندراوە و ئەمساڵ هیچ کەسێک ناتوانێت بە شێوەیەکی نایاسایی حەج بکات.
ئاماژە بەوەشکراوە، ساڵی رابردوو ژمارەیەک کەس
دوور لە رێنماییەکان حەجی نایاساییان کرد، بەهۆی ئەوەوە تووشی زەحمەتی بوون و
هەندێکیان گیانیان لەدەستدا، هیوادارن ئەمساڵ هاوڵاتییان پابەندی رێنماییەکان بن و
کەس بە نایاسایی حەج نەکات.
هاوکات پشکی هەرێمی کوردستان بۆ حەجی ئەمساڵ
بەراورد بە ساڵی رابردوو زیادی کردووە و ئەمساڵ پێنج هەزار و ١٣٦ هاوڵاتیی لە هەر
چوار پارێزگای هەولێر، سلێمانی، دهۆک و هەڵەبجە دەتوانن حەج بکەن.
نـ.ک
