PM:12:19:13/05/2025
2292 جار خوێندراوەتەوە
كەشناسی هەرێم رایگەیاند، ئەمڕۆ و سبەی ئەگەری پروشکە باران هەیە، کەشناسی عیراقیـش، پێشبینی دەكات لە دوو رۆژی داهاتوودا شەپۆلی بارانبارین روو لە ناوچە جیاوازەکانی عیراق و هەرێم بكات و پلەكانی گەرما داببەزن.
ئەمڕۆ سێشەممە، ١٣ـی ئایارـی ٢٠٢٥، کەشناسی هەرێم رایگەیاند، ئەمرۆ نمە بارانێکی کەم دەبێت لەگەڵ بروسکە، سبەی چوارشەممەـش لە سنوری ناوچە شاخاوییەکانی هەولێر و دهۆک، لە زۆربەی کاتەکان هەوری تەواو دەبێت لەگەڵ ئەگەری تاوەبارانی کورت خایەن و هەورە تریشقە هەیە لەهەندێ کاتی دوانیوەڕۆ.
هاوکات، كەشناسی عیراق بڵاویكردەوە، رۆژی چوارشەممە
لە زۆرینەی ناوچەكانی عیراق ئاسمان هەور دەبێت و لە ناوچە جیاوازەكانی ناوەراستی عیراق
و هەرێمی كوردستان باران دەبارێت و هەندێك كات خێرایی با زیاد دەكات و خۆڵبارینیشی
لەگەڵ دەبێت.
ئاماژەی بەوەشکردووە، ڕۆژی پێنج شەممە، لە ناوچەكانی
هەرێمی كوردستان و ناوەراستی عیراق باران دەبارێت و پلەكانی گەرما چەند پلەیەك دادەبەزن.
ئەمە
لەکاتێکدایە، ماوەی چەند ڕۆژێکە شارەزایانی کەشناسی هۆشداری لە هاتنی شەپۆلی
بارانبارین بۆ ناوچەکانی هەرێم دەدەن و
بەپێی پێشبینییەکان لەم هەفتەیەدا شەپۆلەکە بەردەوامیی دەبێت.
س.ج
