PM:05:58:19/04/2025
1344 جار خوێندراوەتەوە
وەزیری بەرگری عێراق لە میانەی بەشداری كردن لە ١٣ـەمین پێشانگای ئاسایش و بەرگری و پیشەسازی سەربازی و ئاسایشی ئەلیكترۆنی رایگەیاند، هەوڵەكان بەردەوامن بۆ بەرزكردنەوەی ئامادەیی ئەمنی بۆ دەستەبەركردنی ئاسایشی نیشتمانی .
ئەمڕۆ شەممە ١٩ـی نیسانی ٢٠٢٥، سابت محەمەد عەباسی، وەزیری بەرگری عێراق لەمیانی وتارەكەیدا لەكاتی كردنەوەی ١٣ـەمین پێشانگای ئاسایش و بەرگری و پیشەسازی سەربازی رایگەیاند، ئەو كۆمپانیایانەی كە ناویان تۆماركردووە بۆ بەشداریكردن لە پێشانگاكە، بە وریایی و توانای دابینكردنی تەكنەلۆژیای بەرگری مۆدێرن تایبەتمەندن.
ئاماژەی بەوەشكرد، ئامانجی پێشانگاكە سوودوەرگرتنە
لە تەكنەلۆژیای مۆدێرن بۆ بەرزكردنەوەی تواناكانی بەرگری و پلانەكانی پەرەپێدانی
سیستەمی ئەمنی.
وەزیری بەرگری عێراق باسی لەوەشكرد، كارەكان
بەردەوامن بۆ بەرزكردنەوەی ئامادەیی ئەمنی بۆ دەستەبەركردنی ئاسایشی نیشتمانی و رووبەڕووبوونەوەی
هەمو ئاستەنگەكان لەسەر ئاستی ناوچەكە.
