PM:10:56:18/04/2025
9608 جار خوێندراوەتەوە
وتەبێژی بەرگری شارستانی سۆران بە ئێن ئاڕ تی راگەیاند، لە گەڕەکی ئیسقەڵا لە سۆران ئاگر کەوتۆتەوە و بەهۆیەوە چوار کەس بریندار بوون.
ئەمڕۆ هەینی ١٨ـی نیسانـی ٢٠٢٥، رەوەند هاودیانی، وتەبێژی بەرگری شارستانی سۆران بە ئێن ئاڕ تی وت، لە گەڕەکی ئیسقەڵا لە سۆران ئاگر کەوتۆتەوە و بەهۆیەوە چوار کەس بریندار بوون و بریندارەکان بە مەبەستی چارەسەر رەوانەی نەخۆشخانەی ئاشتی سۆران کراون.
ئاماژەی بەوەشکرد، لە ئێستادا ئاگرەکە کۆنتڕۆڵ کراوە و بەهۆی ئاگرەکەوە چوار کەس برینداربوون کە دایک و باوکێک و دوو منداڵن، لە ئێستادا رەوانەی نەخۆشخانەی ئاشتی سۆران کراون.
هەروەها چاوگێک لە نەخۆشخانەکە بە ئێن ئاڕ تی راگەیاند، دایکێکە و دوو مندالەکە رەوانەی نەخۆشخانەی سۆران کران، بەهۆی سەختی برینەکانیانەوە.
بەپێی زانیارییەکان، دایکەکە سەرووی ٪٩٠ی سوتاوە و مداڵەکانیش سەرووی لە ٪٨٠یان سوتاوە.
