ئەمریکا هێرشی ئاسمانی بەرفراوانی بۆسەر پێگەی حوسییەکان لە یەمەن ئەنجامدا، لە بەرامبەریشدا حوسییەکان دەڵێن، لە هێرشەکانیان بۆ سەر کەشتییەکانی ئەمریکا و ئیسرائیل ناوەستن.
ئەمڕۆ چوارشەممە ١٦ـی نیسانی ٢٠٢٥، ئاژانسەکانی هەواڵ بڵاویان کردەوە، فڕۆکە جەنگییەکانی ئەمریکا زیاتر لە ٥٠ پیگەی چەکدارانی حوسییەکانیان لە پارێزگاکانی باکوور و ناوەڕاست و رۆژئاوای یەمەن کردووەتە ئامانج.
لە بارەی هێرشەکانی ئەمریکاوە گروپی چەکداریی حوسییەکان هیچ
زانیارییەکی دەربارەی ژمارەی کوژراو و زیانەکانی هیڕشەکان ئاشکرا نەکردووە.
بەڵام لە راگەیەندراوێکدا وتوویانە، هێرشەکانی سوپای ئەمریکا
نایان وەستێنێت و بەردەوام دەبن لە بەئامانجگرتنی سەرجەم کەشتییە بازرگانییەکانی
ئەمریکا و ئیسرائیل.
وتوشیانە، تەنانەت هەر کەشتییەکی بازرگانی هی هەر وڵاتێکی تربێت
بەڵام پەیوەندیی بە ئەمریکا و ئیسرائیلەوە هەبێت دەستی لێ ناپارێزن و هێرشی دەکەنە
سەر.