بەڕێوەبەرایەتیی هاتوچۆی هەڵەبجە رایگەیاند، لە نزیک هەڵەبجە بەهۆی پێکدادانی دوو ئۆتۆمبێل، سێ کەس برینداربوون و رەوانەی نەخۆشخانە کران.
ئەمڕۆ چوارشەممە ١٦ـی نیسانی ٢٠٢٥، بەپێی راگەیەندراوێکی بەڕێوەبەرایەتیی هاتووچۆی هەڵەبجە بڵاویکردەوە، ئێوارەی ئەمڕۆ لە رێگای سەرەکیی قلیچ – گوندی عەنەب، نزیك مزگەوتی (قلیچ) لە هەڵەبجە، سێ کەس برینداربوون.
ئاماژەی
بەوەشکرد، لەلایەن تیمی هاتوچۆوە، لێکۆڵینەوە لە چۆنیەتیی رووداوەکە دەستیپێکردووە بەمەبەستی زانینی هۆکاری رووداوەکە و بریندارەکان گواستراونەتەوە بۆ نەخۆشخانەی فریاکەوتنی هەڵەبجە.
دەشڵێت، بەڵام بەهۆی سەختیی برینەکەیەوە، یەکێك لە بریندارەکان رەوانەی
نەخۆشخانەی سلێمانی کراوە.