نێردەی تایبەتی سەرۆکی ئەمریکا بۆ کاروباری رۆژهەڵاتی ناوەڕاست وتی، پێویستە ئێران واز لە پرۆگرامە ئەتۆمییەکەی بهێنێت و لەگەڵ ئێران کاتێک رێککەوتن دەکرێت تەنیا مەرجەکانی ترەمپی تێدا بێت.
ئەمڕۆ سێشەممە ١٥ـی نیسانـی ٢٠٢٥، ستیف ویتکۆف، نێردەی دۆناڵد ترەمپ، سەرۆکی ئەمریکا بۆ رۆژهەڵاتی ناوەڕاست لەبارەی رێککەوتنی نێوان ئەمریکا و ئێران رایگەیاند، هەر رێککەوتنێک واژۆ بکرێت، پێویستە ببێتە هۆی ئاشتی و سەقامگیری و خۆشگوزەرانی لە رۆژهەڵاتی ناوەڕاست.
وتیشی، رێككەوتن لەگەڵ ئێران كاتێك ئەنجام
دەدرێت، كە مەرج و داواكارییەكانی ترەمپ جێبەجێ بكرێت، بۆیە پێویستە تاران
واز لە پڕۆگرامی بەرهەمهێنانی چەك بهێنێت.
هەروەها، پێویستە
ئێران پیتاندنی یۆرانیۆم و پڕۆگرامی دروستکردنی چەک رابگرێت و نەیانهێڵێت.
ئەوەشی خستەڕوو، کۆشكی سپی رێككەوتنێكی لە ئێران
دەوێت كە ئاشتی، سەقامگیری و خۆشگوزەرانی لە رۆژهەڵاتی ناوەراست دەستەبەر
بكات.