AM:10:06:15/04/2025
2512 جار خوێندراوەتەوە
بە گوێرەی پێشبینییەکانی کەشناسی بێت زستان گەڕاوەتەوە و دەڵێت، ئەمڕۆ بارانبارین و بەفر دەبارێت و سبەینێش بەردەوام دەبێت. دەشڵێت، پلەکانی گەرماش روو لە نزمبوونەوەیەکی بەرچاو دەکەن.
ئەمڕۆ سێشەممە ١٥ـی نیسانـی ٢٠٢٥، کەشناسی وتیشی، ئەمڕۆ ئاسمان هەور و باراناوی دەبێت و بارانبارین بەردەوام دەبێت و ئەگەری بارانی بە لێزمە و هەورە تریشقە هەیە و تا شەو بەردەوام دەبێت و پێشبینی دەکرێت لە ئەمشەوەوە کاریگەریی شەپۆلەکە کەمێک لاواز ببێت.
ئاماژەی بەوەشکردووە، چاوەڕوان دەکرێت لە
ناوچە شاخاوییە سنوورییەکان بەفر ببارێت و پلەکانی گەرمایش پێنج بۆ حەوت پلەی
سیلیزی نزمدەبنەوە.
کەشناسی دەشڵێت، سبەینێ شەپۆلەکە بەردەوام دەبێت و لە بەشێک لە ناوچە
کانی هەرێم نمەباران دەبارێت و پلەکانی گەرماش بە نزمی دەمێننەوە.
