PM:02:09:14/04/2025
1368 جار خوێندراوەتەوە
پەرلەمانتارێکی نەوەی نوێ لە پەرلەمانی عێراق سەبارەت بە پڕۆژەیاسای بە پارێزگا کردنی هەڵەبجە رایگەیاند، کە هیچ کێشەیەکی یاسایی تێدا نییە و هیوادارن کێشەی بۆ دروستنەکرێت و ئەگەر نەخرێتە دەنگدانەوە ئەوان بەشداری هیچ دانشتنێکی پەرلەمان ناکەن.
ئەمڕۆ دووشەممە ١٤ ی نیسانی ٢٠٢٥، ئاریان تاوەگۆزی، پەرلەمانتاری نەوەی نوێ لە پەرلەمانی عێراق باسی لەوە کرد، "لە کابینەی پێشووی حکومەتی عێراقەوە هەوڵی بەپارێزگاکردنی هەڵەبجەمان داوە و ئەگەر هەڵەبجە پشتگوێبخرێت ئێمەش هەڵوێستمان دەبێت".
ئاماژەی بەوەشکرد، کە یەکێتی و پارتی دەیانتوانی
بەپارێزگاکردنی هەڵەبجە بخەنە کارنامەی حکومەتەوە بەڵام نەیانکرد.
ئاریان تاوگۆزی وتیشی، ئەگەر بڕیاری بەپارێزگاکردنی
هەڵەبجە دەربچێت دەبێت یەکێتی و پارتی جێبەجێی بکەن.
