کۆبوونەوەی شاندی دەم پارتی لەگەڵ سەرۆک کۆماری تورکیا کۆتایی هات و ئەندامێکی شاندەکەش دەڵێت، کۆبوونەوەکە زۆر ئەرێنی بوو و هیوای زۆر زیاتریان هەیە.
ئەمڕۆ پێنجشەممە ١٠ـی نیسانی ٢٠٢٥، شاندی دەم پارتی کە لە سرری سورەیا ئۆندەر، بریکاری سەرۆکی پەرلەمانی تورکیا (دەم پارتی) و پەروین بوڵدان، پەرلەمانتاری دەم پارتی پێکدێت، کاژێر یەک و نیو خولەکی دوای نیوەڕۆ گەیشتنە کۆشکی کۆماریی تورکیا و لەلایەن رەجەب تەیب ئەردۆغان، سەرۆک کۆماری تورکیاوە پێشوازییان لێکرا.
سرری سورەیا ئۆندەر، بریکاری سەرۆکی پەرلەمانی تورکیا کە ئەندامێکی
شاندی دەم پارتییە باسی لەوەکرد، کۆبوونەوەکە زۆر ئەرێنی بوو و هیوای زۆر زیاتریان
هەیە.
شاندی دەم پارتی پێش دەستپێکردنی کۆبوونەوەکەش قسەیان بۆ میدیای
وڵاتەکە کرد.
سرری سورەییا ئۆندەر ئاماژەی بەوەشکرد، لە کۆبوونەوەکەدا زانیاری
لەبارەی دوایین قۆناغی پرۆسەکە بە سەرۆک کۆمار ی تورکیا دەدەن.
پەروەین سرری سورەیا رایگەیاند، لەو باوەڕەدان زەوینەی سیاسەتی
دیموکراسییانە و ئاشتی لەمەودوا هەنگاوی زۆر خێراتر و گرنگتری بۆ دەنرێت و"ئێمە
بە ویست و پێداگرییەوە پرۆسەکەمان گەیاندە ئەوان زۆر بە پارێزگارییەوە جووڵاینەوە"،
هەمووانیش بەمشێوەیە جووڵانەوە. هەر بۆیە سوپاسگوزاری تەواوی وڵاتن.
پەروین بوڵدانیش وتی، ئەمە یەکەمین جارە سەرۆک کۆمار لەم بابەتەدا
ئاڵوگۆڕی بیروڕامان لەگەڵدا دەکات و بیروڕای خۆی لەبارەی ئەوە کە چی بکرێت باشە،
دەخاتەڕوو. ئەوانیش زانیاریی لەبارەی تەواوی ئەو کۆبوونەوانەیان پێدەدەن کە کراوە.