PM:11:42:18/03/2025
1256 جار خوێندراوەتەوە
وەزارەتی دارایی هەرێم رایگەیاند، سبەی چوارشەممە مووچەی مامۆستایانی گرێبەستی وەزارەتی پەروەردەو خوێندنی باڵا دابەش دەکرێت.
ئەمڕۆ سێشەممە ١٨ـی ئازاری ٢٠٢٥، وەزارەتی دارایی هەرێم رایگەیاند، رۆژی چوارشەممە ( ١٩ ی ئازاری ٢٠٢٥ ) مووچەی مانگی شووباتی مامۆستایانی گرێبەستی وەزارەتی پەروەردە لە سنوری پارێزگای سلێمانی و مووچەی مانگی شوباتی ساڵی ٢٠٢٥ و کرێی وانەبێژی مانگی ئابی ساڵی ٢٠٢٤ ی مامۆستایانی گرێبەستی وەزارەتی پەروەردە لەسنوری پارێزگای هەولێرو دهۆک دابەش دەکرێت.
ئاماژەی بەوەشکرد، رۆژی چوار شەممە ١٩ ی
ئازاری ٢٠٢٥ مووچەی مانگی کانوونی دووەمی ساڵی ٢٠٢٥ ی مامۆستایانی گرێبەستی
وەزارەتی خوێندنی باڵا لەسەرتاسەری هەرێم دابەش دەکرێت، کەسەرجەمیان
تەمویلیان لەسەر داهاتی ناوخۆ خەرج دەکرێت.
