پەیامنێری ئێن ئاڕتی رایگەیاند، لە دوو رووداوی جیاوازی تەقەکردن و شەڕە چەقۆدا لە سلێمانی کەسێک کوژرا و سێ کەسی دیکەش بریندار بوون.
ئەمڕۆ دووشەممە ٢٣ی کانونی یەکەمی ٢٠٢٤، پەیامنێری ئێن ئاڕ تی باسى لەوە کرد، شەوی رابردوو بەهۆی شەڕە چەقۆوە لە گەڕەکی قولەرەیسى سلێمانی کەسێک گیانی لەدەستداوە و کەسێکی دیکەش بریندار بوو.
ئاماژە بەوەشکراوە، شەڕەکە بەهۆی هەوڵی بردنی ماتۆڕسکیلەوە بووە و بە
وتەی شایەتحاڵەکان کوژراوەکە لەگەڵ یەکێک لە بریندارەکان ویستویانە ماتۆرسکیلەکە لە
تۆمەتبارەکە ببەن و ئەویش بە چەقۆ هێرشى کردووەتەسەریان، لە ئێستاشدا تۆمەتبارەکە
دەستگیرکراوە.
هاوکات ئەوەشی خستەڕوو، هەمان شەو له‌به‌رده‌م باخی به‌ختیاری له‌نزیك
دوو سایدی به‌كره‌جۆ، روداوێكی ته‌قه‌كردن رویدا و به‌وهۆیه‌وه دوو كه‌س برینداربون
کە ئەندامی هێزە ئەمنییەکان بوون و فیشەک بەر قاچیان کەوتووە.
باسی لەوەشکرد، بە پێی وتەی شایەدحاڵەکان، ئەو دوو کەسە لە ئۆتۆمبێلێکەوە
تەقەیان لێکراوە و دواتر تەقەکەرەکە هەڵهاتووە و پاشان هێزه ئه‌منیه‌كان گه‌یشتوونه‌ته
شوێنی روداوه‌كه و لێكۆڵینه‌وه و به‌دواداچونیان ده‌ستپێكردوه.
لەماوەى ١٠ رۆژدا ئەمە حەوتەم حاڵەتی تەقەکردن و کوشتنە و هاوڵاتیان
دەڵێن، حکومەت نەیتوانیوە رووداوەکانى کوشتن و تەقەکردن کۆنترۆڵ بکات.