بەرگری شارستانی سوریا رایگەیاند، "تیمە تایبەتمەندەکانی بەرگری شارستانی سەرجەم ژێرزەمینەکانی زیندانەکان و دەرەوەی باڵەخانەکانی پشکنی، بە هاوکاری کەسانێک کە بە تەواوی ئاگاداری هەموو وردەکارییەکانی زیندانەکەن"، ئاماژەی بەوەشدا کە "هیچ بەڵگەیەک نەدۆزراوەتەوە و هیچ ژێرزەمینێکی نهێنی بوونی نیە”.
ئاماژەی بەوەشکرد، "پێنج تیمی تایبەتمەند بەشدارییان لە ئۆپەراسیۆنەکانی گەڕاندا کردووە، لەنێویاندا دوو تیمی K9 (تیمی سەگی پۆلیسی راهێنراو)، لەگەڵ تیمی پشتیوانی و ئەمبولانس".

باسی لەوەشکرد، "لەکاتێکدا هەستی نائومێدییەکی گەورەمان دەردەبڕی چونکە هەزاران دەستگیرکراو تا ئێستا بێسەروشوێنن و خێزانەکانیان نەیانتوانیوە دەستیان بە هیچ زانیارییەک بگات کە چارەنووسیان ئاشکرا بکات".

بەرگری شارستانی داوای لە "دامەزراوە نێودەوڵەتییە کارامەکان و دەسەڵاتە ناوخۆییەکان کرد کە پشتیوانی لە هەوڵەکانی کۆمەڵگەی مەدەنی سوریا بکەن بۆ ئاشکراکردنی چارەنووسی بێسەروشوێنەکان لە هەموو لایەنەکانەوە".

جەختیشی لەوە کردەوە کە "تواناکانی خۆی لەم بوارەدا بەکاردەهێنێت بۆ ئاشکراکردنی گۆڕە بەکۆمەڵەکان و دەستنیشانکردنی تەرمی نەناسراو و رادەستکردنی بە خێزانەکانیان".

ڕۆژی یەکشەممە (٨ی کانوونی دووەم) هێزەکانی ئۆپۆزسیۆنی سوریا توانیان دەستبەسەرکراوان لە زیندانی سەیدنایە ڕزگار بکەن کە بە "قەسابخانەی مرۆڤ” ناسراوە بەهۆی ئەوەی ناوەندێکی ئەشکەنجەیە، بەڵام بنەماڵەی دەستگیرکراوەکان بانگەوازیان بۆ ئازادکردنی کەسوکارەکانیان دەستپێکرد، کە دەیانگوت هێشتا ماون لە ژێرزەمینەکانی زیندانەکەدا راگیراون.

راپۆرتە نێودەوڵەتییەکان ئاماژە بەوە دەکەن کە هەزاران دەستبەسەرکراو بە شێوەیەکی سیستماتیک و بە نهێنی لەناو زیندانەکەدا کوژراون، کە رژێمی رووخاو لە نێوان ساڵانی ٢٠١١ بۆ ٢٠١٥ لە سێدارەدانی بەکۆمەڵ بەبێ دادگاییکردن ئەنجامداوە، بە رێژەی تا ٥٠ کەس لە هەفتەیەکدا.

بەشار لە مانگی تەمموزی ٢٠٠٠ەوە بۆ ماوەی ٢٤ ساڵ حوکمڕانی سوریای کردووە، دوای باوکی حافز ئەسەد (١٩٧٠-٢٠٠٠) خۆی و خێزانەکەی بەنهێنی وڵاتەکەیان هەڵاتووە و رووسیاش رایدەگەیەنێت کە مافی پەنابەرییان پێدەبەخشێت بۆ ئەوەی بە "مرۆڤایەتی" دەزانێت هۆکارەکان”.