PM:11:55:29/11/2024
2612 جار خوێندراوەتەوە
بەپێی زانیارییەکانی ئێن ئاڕ تی، پارتی و یەکێتی رێککەوتوون لەسەر بردنی داهاتی ناوخۆ بۆخۆیان، رێکەوتنەکە بە جۆرێکە، پارتی ٥٧٪ـی داهاتی ناوخۆ و یەکێتیش ٤٣٪ـی داهاتەکە دەبەن، بەپێی زانیارییەکان شێوازی بردنی داهاتی ناوخۆ لەلایەن پارتی و یەکێتی بەجۆرێکە بە کاش پارە ناینێرن و بە ژمارە بڕی داهاتەکە دەدەن بە وەزارەتی دارایی هەرێم و پارەکە دەبەن بۆ خەزێنەکانی خۆیان.
داهاتی ناوخۆ زیاتر لە ساڵێکە لە نێوان هەرێم و بەغدا مشتومڕی لەسەر دەکرێت، عێراق بە کلیلی چارەسەری کێشەی موچەی دەزانێت، بەڵام لە هەرێم داهاتی ناوخۆ وەک هێلی سور سەیردەکرێت و تەنانەت ناشگەڕێتەوە خەزێنەی حکومەت.
موچەخۆران
چاوەروانبوون موچەی مانگی ١٠ لە رێگەی داهاتی ناوخۆوە وەربگرن، بەڵام تا ئێستا
حکومەتی کاربەڕێکەر ئامادەنیە دەستببات بۆ داهاتی ناوخۆ و موچەی پێدابەشبکات.
ئێستا بەغدا
داوای ١٠٠ ملیار دینار لە داهاتی ناوخۆ دەکات، بەڵام پارتی و یەکێتی رێناکەون و
ئامادەنین لەو داهاتەی بردوویانە پارەکە بنێرن، بەوەش زەرەرمەندی یەکەم مووچەخۆران
و هاوڵاتییانی هەرێمن.
هاوکات لە ١٠
مانگی ئەمساڵدا چوار ترلیۆن و ٥٢٠ ملیار دینار داهاتی ناوخۆ هەبووە، بەڵام ٤٠٠ ملیار
دیناری لەو داهاتە رادەستی بەغدا کراوە، بەڵام بەغدا زیاتر لە حەوت ترلیۆن و ٥٠٠
ملیار دیناری ناردووە بۆ مووچەی مووچەخۆرانی هەرێم.
