AM:10:40:29/11/2024
2460 جار خوێندراوەتەوە
کەشناسى هەرێم رایگەیاند، ئەمڕۆ و سبەى شەپۆلی سەرما بەرەو لاوازیی دەچێت و پلەکانى گەرما دەست بە بەرزبوونەوە دەکەن، هاوکات پێشبینى دەکرێت هەفتەى داهاتوو بارانبارین دەستپێبکاتەوە.
ئەمڕۆ هەینی ٢٩ـی ١١ـی ٢٠٢٤، لە راگەیەندراوێکدا کەشناسى کەشى پێشبینیکراوى ٤٨ کاتژمێرى داهاتووى بڵاوکردەوە و تێیدا هاتووە ئەمڕۆ ئاسمان بەگشتی ساماڵ دەبێت لەگەڵ هەندێك پەڵە هەور و پلەکانی گەرما كەمێك بەرزتر دەبێت لە تۆمارکراوەکانى دوێنێ، و خێراى باش لەسەرخۆ بۆ مامناوەند دەبێت.
لە بارەى کەشى سبەینێشەوە، کەشناسى دەڵێت، ئاسمان لە نێوان ساماڵ و پەڵە
هەور دەبێت ، لەگەڵ دروستبوونی كەمێك تەم لە هەندێك ناوچە لە كاتەكانی بەیانیدا .
دەشڵێت، پلەکانی گەرما بە نزیكەی ١ تـــا ٣ پلە بەرزتر دەبێت بەراوورد
بە تۆمارکراوەکانى ئەمڕۆ، هەرچى بارانبارینیشە بەپێی پێشبینیەکانى ئاژانسەکانى
بواری کەشناسى کۆتایی هەفتەى داهاتوو شەپۆلى بارانبارین دەستپێ دەکاتەوە.
