PM:11:51:08/11/2024
2024 جار خوێندراوەتەوە
لە سلێمانی، بەناوی کڕینی پێداویستی و کۆکردنەوەی پارە بۆ کارگوزار، بڕێک پارە لە خوێندکارەکان وەرگیراوە. خوێندکارەکانیش دەڵێن، ئەو بابەتە هیچ پەیوەندییەکی بەوانەوە نییە، باری داراییان خراپە و پێویستە حکومەت و وەزارەتی پەروەردە بەو کارە هەڵبسن.
خوێندکارانی خوێندنگەی کۆبانی لە سلێمانی ئاماژەیان بەوە کرد، هەر یەکەیان بڕی ١٢ هەزار دیناریان لێ وەرگیراوە لەلایەن بەڕێوەبەرایەتی خوێندنگەکەوە بەبیانوی کڕینی پێداویستیی خوێندن و کۆکردنەوەی پارە بۆ کارگوزاری قوتابخانەکە.
وەک خۆشیان باسی لێوە دەکەن، ئەم بابەتە هیچ پەیوەندییەکی بە
خوێندکارەکانەوە نیە و پێویستە حکومەت و وەزارەتی پەروەردە بەو کارە هەڵبستن، جگە
لەوەی زۆرینەشیان ئاوارەن و باری داراییان لاوازە.
قوتابخانەکە زیاتر لە ٢٠٠ خوێندکار وانەی تێدا دەخوێنن و بەشی زۆریان
منداڵانی ئاوارەی سوریا و رۆژئاوای کوردستانن، لەکاتێکدا لە قوتابخانەکەدا دوو
دەوامی دیکەی تێدا دەکرێت.
ئەگەرچی لە قوتابخانەکانی هەرێمی کوردستان بەشێکیان سێ دەوامیان
تێدایە ئەمە جگە لەکۆنی بینا و کەمی هۆڵەکانی خوێندن، بۆیە هەندێک جار خوێندکار ناچار
دەکرێت پارە بباتە خوێندنگە و کڕینی پێداویستییەکان دەخرێتە ئەستۆی
خوێندکاران.
