بەرپرسێکی پارتی رایگەیاند، مه‌كته‌بی سیاسیی پارتی كۆده‌بێته‌وه و لیژنه‌یه‌ك بۆ سه‌ردانی لایه‌نه سیاسییه‌كان پێك دەهێنێت. ده‌شڵێت، پارتی سه‌ردانی هه‌موو لایه‌نه‌كان ده‌كات.
ئه‌ندامێكی كۆمیته‌ی ناوه‌ندیی پارتی رایگەیاند، مەکتەبی سیاسیی پارتی کۆدەبێتەوە و لیژنەیەک بەمەبەستی سەردانی لایەنەکان بۆ پێکهێنانی کابینەی نوێی حکومەتی هەرێمی کوردستان پێکدەهێنێت.
ئەوەشی خستە
روو، چاوەڕێ دەکرێت له ئاینده‌یه‌كی نزیكدا شاندەكەی پارتی سه‌ردانی لایه‌نه سیاسییه‌كانی
هه‌رێمی كوردستان بكات، سه‌ردانه‌كەش بۆ ئاڵوگۆڕی بۆچوونی لایه‌نه‌كانه.
باسی لەوەش کرد،
شاندەکەی پارتی بەبێ جیاوازی سەردانی هەموو
لایەنەکان دەکەن.
ئەوەشی خستە
روو، دوای سه‌ردانی شاندی پارتی بۆ لای لایه‌نه سیاسییه‌كان، پارتی كۆده‌بێته‌وه
و بڕیاری خۆی لە بارەی پێکهێنانی کابینەی نوێی حکومەتی هەرێمی کورستان دەدات.