PM:01:23:02/09/2024
996 جار خوێندراوەتەوە
لە میانى کۆبوونەوەى لەگەڵ شاندێکى هاوپەیمانی نێودەوڵەتى و باڵیۆزى ئەمریکا، سەرۆک وەزیرانى عێراق رایگەیاند، داعش مەترسی نییە بۆ سەر عێراق. وتیشی، "هێزەکانمان بەردەوامن لە ئۆپەراسیۆن و گەڕان بەدوای حەشارگەکانیان".
نوسینگەی راگەیاندنی سەرۆک وەزیرانی عێراق بڵاوی کردەوە، لە کۆبوونەوەکەدا محەمەد شیاع سودانى و نوێنەری نێردەی هاوپەیمانان لە عێراق و باڵیۆزی ئەمریکا، گفتوگۆی کۆتاییهێنان بە ئەرکی هاوپەیمانیان لە عێراق کردووە.
ئاماژە بەوەش کراوە،
سودانی باسی لەوە کردووە، ئەرکی هاوپەیمانان کۆتایی پێبهێنرێت و ئەرکەکە بگوازنەوە
بۆ پەیوەندییە دووقۆڵییەکانی نێوان هەردوولا و بەردەوامبوونی هاوکاری و راهێنان لەگەڵ
هێزە ئەمنییەکانی عێراق.
ئەوەش
لەکاتێکدایە، تا ئێستا بە فەرمی دوو گەڕى گفتوگۆی ستراتیژى کۆتاییهێنانى بە ئەرکی
هاوپەیمانى نێودەوڵەتی ئەنجام دراوە، عێراق و ئەمریکاش جەختیان لە فراوانکردنى هەماهەنگییەکان
کردووەتەوە لەرووی ئەمنی و پاراستنى نێردە نێودەوڵەتییەکان لە عێراق.
