بەهۆی ژێرئاوکەوتنی بەلەمێکی کۆچبەران لە دەریای ئیجەدا حەوت کەس خنکان و کەسێکیش بێسەروشوێن بوو.
وەزارەتی ناوخۆی تورکیا بڵاویکردەوە، بەلەمێکی کۆچبەران لە سنورە ئاوییەکانى پارێزگاى ئیزمیر لە دەریای ئیجە ژێر ئاو کەوتووە و بەهۆیەوە حەوت کەس خنکاون.
ئاماژە بەوەشکراوە، بەلەمەکەدا ٢٧ کۆچبەری تێدا بووە ویستویانە خۆیان بگەیەننە کەناراوەکانی یۆنان، بەڵام
وەکو ئەوەى میدیاکان باسى دەکەن، پۆلیسى یۆنان رێگەى بە تێپەڕینى بەلەمەکە نەداوە
و گەڕاندونیەتیەوە بەرەو تورکیا، بەر لەوەى بگەنەوە تورکیا بەلەمەکەیان ژێرئاو کەوتووە.
باس لەوەشکراوە، ١٩ لە کۆچبەرەکان لەلایەن پۆلیسى
کەناراوەکانی تورکیا ڕزگار کراون و کەسێکیش بێسەروشوێن بووە.
ئەمەش لە کاتێکدایە،سەرۆکی دەزگای لوتکە بە ئێن ئاڕ تی راگەیاند، لە
نۆ ساڵی رابردوودا ٧٥٠ هەزار و ٤٩٨ کۆچبەری عێراقی لە وڵاتانی ئەوروپا داوای مافی
پەنابەریان کردووە و لە ئەمساڵیشدا ١٠ هەزار و ٥٠٠ عێراقی داواکاری پەنابەریان پڕکردووتەوە
و ٢٢ کۆچبەریش لە رێگەی ئەوروپادا گیانیان لەدەستداوە.
ئاماژەی
بەوەش کرد، لەمساڵدا ٢٢ کۆچبەر گیانیان لەدەستداوە و ١٢ کۆچبەریش بێ سەروشوێن بوون
و لە نۆ ساڵی رابردووشدا ٣٤٣ کۆچبەر گیانیان لەدەستداوە و ٢٤٥ کۆچبەریش گیانیان
لەدەستداوە و بە کشتی ٥٩١ کەسیش بوونەتە قوربانی کۆچکردن.
ئامارەکان ئەوەش دەخەنە روو،
ژمارەی گیان لەدەستدان و بێ سەروشوێن بوونی کۆچبەران لەمساڵدا بەراورد بە ساڵی
رابردوو زیادی کردووە کە ساڵی رابردوو حەوت کۆچبەر گیانیان لەدەستداوە و دوو
کۆچبەریش بێ سەروشوێن بوون.