دانا بریمز، پزیشکی تایبەتی نەخۆشییەکانی بنی پێ، لە کلیپێکی ڤیدیۆیی لە تیک تۆکدا دەڵێت، فشار بخەرە سەر گرێی پەنجەی قاچت، ئەگەر گەڕایەوە بۆ دۆخی ئاسایی خۆی، ئەوا تۆ بەشی پێویست ئاو دەخۆیتەوە، ئەگەر پێستیش لەسەرەوە بمێنێتەوە، ئەوا ئاوی جەستەت کەمە.
لە ڤیدیۆکەدا کە زیاتر لە ٤.٥ ملیۆن بینەری هەیە، بریمس روونی دەکاتەوە کە ئەمە پێی دەوترێت تاقیکردنەوەی لاستیکی پێست.
ئاماژەی بەوەشکردووە، کاتێک جەستە شێدارە، پێستت تایبەتمەندی لاستیکی زیاتری دەبێت و بە خێرایی دەگەڕێتەوە بۆ شێوەی سەرەتایی خۆی لە لایەکی دیکەوە وشکبوونەوە دەبێتە هۆی کەمبوونەوەی لاستیکی پێست و گەڕانەوەی هێواش بۆ دۆخی ئاسایی خۆی.
خواردنەوەی ئاو یارمەتی پاراستنی کۆلاجین دەدات لە پێستدا، کە لەگەڵ تەمەندا کەمدەبێتەوە، بەبێ گوێدانە بڕی ئاوەکە کە دەیخۆیتەوە.
نیشانەکانی تری وشکبوونەوە بریتین لە تینوێتییەکی زۆر، کەمبوونەوەی میزکردن، تاریکی میز، ماندوێتی، سەرگێژخواردن و قەلەقی.