چاوگێکی ئەمنی بە دیجیتاڵ میدیای ئێن ئاڕ تی راگەیاند، گوندی بناویان لە سنووری پێنجوێن و گوندی شێخەڵمارێن لەسنووری شارباژێڕ بۆردوومان کراوە. لە لایەکی دیکەشەوە بەشێک لە گوندەکانی نزیک چیای قەندیل و چیایی مەتین بۆردوومان کراون.
ئەمڕۆ چوارشەممە، جارێکی دیکە بەشێك لە گوندەکانی سنووری پێنجوێن و شارباژێڕ و چیایی قەندیل بۆردوومان کران.
چاوگێکی ئاگادار بە
ئێن ئار تی راگەیاند، گوندی بناویان لە سنووری پێنجوێن و شێخەڵمارێن لە سنووری شارباژێڕ بۆردوومانکراون و ئاگر لەو گوندانە کەوتووەتەوە و زیانی مادی گەیاندووە بە
دانیشتوان.
هاوکات، بەگوێرەی
زانیارییەکانی پەیامنێری ئێن ئاڕ تی، چیای جاسوسان و گوندی زێوکەش بۆردومان لە
بناری چیای قەندیل بۆردوومانکراون.
باسی لەوەش کرد، گوندەکانی
سڵێ و کورتەک بە چڕی بۆردومان کراون بەڵام بۆردوومانەکانی ناوچەکانی دیکە هەڕەمەکی
بوون و هاتوچۆ لە بناری قەندیل راوەستاوە.
لە لایەکی دیکەشەوە، بەگوێرەی زانیارییەکانی ئێن ئاڕ تی گوندەکانی گوهەرزێ و بلاڤە و سەرگەلێ لە چیای مەتین زیاتر لە ٢٠ جارە بۆردومان کراون و دەنگی بۆردوومانەکان بەجۆرێک بەرز بوون بووەنەتە هۆی دروسبوونی ترس لەنێو دانیشتوانانی ئەو گوندانە.