سەردێڕ:

شەپۆلی باران و هەورەبروسکە کۆتایی پێهات و پلەکانی گەرما بەرزدەبنەوە

AM:10:37:11/06/2024

6516 جار خوێندراوەتەوە

کەشناسی هەرێم پێشبینییەکانی کەشوهەوای ئەمڕۆ و سبەی ئاشکرا کرد و بەپێی کەشناسی، شەپۆلی بارانبارین و هەورەبروسکە کۆتایی پێهاتووە و پلەکانی گەرما بەرزدەبنەوە.


کەشناسی هەرێم رایگەیاندووە، ئەمڕۆ سێشەممە، ئاسمان ساماڵ و پەڵەهەور دەبێت، لەگەڵ بوونى تۆزێکى سووک لە باشوورى هەرێم و ناوچەکانى گەرمیان، پلەکانی گەرماش بەرزدەبنەوە.

کەشناسی ئاماژەی بەوەشکردووە، سبەی چوارشەممە، ئاسمان ساماڵ و پەڵەهەور دەبێت و پلەکانی گەرما زیاتر بەرزدەبنەوە.
ئەوەش لە کاتێکدایە، لە دوو رۆژی رابردوودا شەپۆلێکی بارانبارین و هەورەبروسکە ناوچە جیاوازەکانی هەرێمی گرتەوە و خێرایی با رووی لە زیادبوون کردبوو، هەر بەهۆی هەورەبروسکەشەوە ئاگر لە چەند ناوچەیەکی هەرێم کەوتەوە.

بەرزترین پلەکانی گەرمای پێشبینیکراو بە پلەی سیلیزی :

هەولێر : ٤١

سلێمانی : ٣٧

دهۆک : ٣٨

کەرکوک : ٤٢

هەڵەبجە : ٤٠

زاخۆ : ٤٠

سۆران : ٣٨

حاجی ئۆمەران : ٢٥

گەرمیان : ٤٤













گەلەری