سەردێڕ:

شاندی هەرێم گەیشتە بەغدا؛ ئامانجی سەردانەکەی چیە؟

PM:11:17:14/05/2024

3496 جار خوێندراوەتەوە

وەزارەتی دارایی و ئابووری حکومەتی کاربەڕێکەری هەرێم رایگەیاند، بەمەبەستی گفتوگۆ کردن لەسەر هەمواری خشتەکانی یاسای بودجە و چارەسەرکردنی ئەو کێشانەی لە کاتی هەمواری یاساکە بۆ پشکی هەرێمی کوردستان دروست دەبێت، شاندی هەرێم گەیشتە بەغدا.


ئەمڕۆ سێشەممە، وەزارەتی دارایی و ئابووری حکومەتی کاربەڕێکەری هەرێم رایگەیاند، ئێوارەی ئەمڕۆ شاندی حکومەتی کاربەڕێکەر بە سەرۆکایەتی ئاوات شێخ جەناب وەزیری دارایی و ئابووری گەیشتە بەغدا.

ئاماژەی بەوەش کرد، ئامانجی سەردانەکەی شاندی هەرێم بۆ بەغدا گفتوگۆ کردنە لەسەر هەمواری خشتەکانی یاسای بودجەو چارەسەرکردنی ئەو گرفت و ئاستەنگانەی لە کاتی هەمواری یاساکە بۆ پشکی هەرێمی کوردستان دروست دەبێت.

ئەوەش لەکاتێکدایە، سەردانی شاندی هەرێم بۆ بەغدا بەردەوامە و لەماوەکانی رابردوودا لەسەر چەندین پرسی جیاواز بەتایبەت چارەسەری کێشەی مووچە شاندی هەرێم سەردانی بەغدای کردووە کەچی تاوەکو سەردانەکانی شاندی هەرێم نەبوونەتە هۆکاری چارەسەربوونی کێشەکان.













گەلەری