سەرۆکی مەکتەبی سیاسی گروپی چەکداری حەماس رایگەیاند، بۆردوومانکردنی نەخۆشخانەی ئەلمعەمدانیەش دەچێتە لیستی ئەو تاوانانەی ئیسرائیل بەرامبەر گەلی فەڵەستین کردوویەتی. دەشڵێت ، "بەردەوامین لە بەرگری."
ئەمڕۆ سێشەممە، ئیسماعیل هانیە سەرۆکی مەکتەبی سیاسی گروپی چەکداری حەماس باسی لەوەکرد، ئیسرائیل مزگەوت و کەنیسە و نەخۆشخانەکانی کردووەتە ئامانج.
ئەوەشی خستەڕوو، بۆردوومانکردنی
نەخۆشخانەی ئەلمعەمدانیەش دەچێتە لیستی ئەو تاوانانەی ئیسرائیل بەرامبەر گەلی فەڵەستین
کردوویەتی.
ئاماژەی بەوەشکرد،
بەردەوامن لە بەرگریکردن لە خاکەکەیان و هاوڵاتیانیان.
ئەمشەو سوپای ئیسرائل
بۆردومانی بەخۆشخانەی ئەلمعەمدانیەی کرد لە غەززە و بەهۆیەوە ٥٠٠ کەس گیانیان
لەدەستدا.
لە بەرەبەیانی ٧ـی
تشرینی یەکەمی ئەمساڵ گروپی چەکداری حەماس هەزاران موشەکی ئاڕاستەی ئاسمانی
ئیسرائیل کرد و سەدان چەکداری چووە شارە ئیسرائیلییەکانەوە و گرژی و ئاڵۆزییە
چەکدارییەکانی نێوانیان تا ئێستاش بەردەوامی هەیە.