ئاژانسی بی بی سی جیهانی رایگەیاند، وڵاتانی ڕۆژئاوا نایانەوێت پەیوەندییە دیبلۆماسییەکانی کەنەدا و هندستان تێکبچێت و ئەمریکاش دەیەوێت هەرچی زووە پەیوەندییەکانی ئەو دوو وڵاتە ئاسایی بکاتەوە.
ئاژانسی هەواڵی بی بی سی لە راپۆرتێکدا بڵاویکردەوە ، سەبارەت بە ناکۆکییەکانی کەنەدا وهندستان وڵاتانی رۆژئاوا نایانەوێت گرژییەکانی نێوان ئەو دوو وڵاتە لەوە زیاتر بخایەنێت و کاریگەری لەسەر پەیوەندییە نێودەوڵەتییەکان دروست بکات.
ئاماژەی بەوەشکردووە، ڕۆژئاوا بە چاوێکی پڕبایەخەوە لە هندستان دەڕوانێت
و لە گۆڕەپانی سیاسی رۆژهەڵاتدا ئەو وڵاتە بەوڵاتی یەکلاکەرەوە لە پرسە سیاسی و ئابووریەکانی جیهاندادەبینن .
ئەوەشی خستەڕوو، وڵاتانی رۆژئاوا بەتایبەت ئەمریکا هندستان وەک قەڵایەکی
بەهێز لە نێوان خۆیان و چیندا دەبینن.
ئەمە لەکاتێکدایە، دوای کوژرانی هەردیپ سینگ، چالاکوانێکی سیخەکان لە کەنەدا، پەیوەندییەکانی
کەنەدا و هندستان گرژی تێکەوت و لە دوای ئەوەی جەستن ترودۆ سەرۆک وەزیرانی کەنەدا هیندستانی
بە کوشتنی ئەو چالاکوانە تۆمەتبارکرد و گرژییە دیبلۆماسییەکانی ئەو دوو وڵاتە
گەیشتە لوتکە.