وەزیری بەرگری روسیا رایگەیاند؛ سەرەڕای دژایەتیکردنی وڵاتانی رۆژئاوا پەیوەندییەکانی ئێران و روسیا ئاستێکی نوێ تۆمار دەکات و لە بواری بەرگریشدا بەردەوام لە پەرەسەندن دایە.
سێرگی شۆیگو وەزیری بەرگری روسیا لە دوای سەردانەکەی بۆ تاران رایگەیاند؛ سەرەڕای دژایەتیی زۆربەی وڵاتانی جیهانی ڕۆژئاوا، پەیوەندییەکانی نێوان روسیا و ئێران گەیشتووەتە ئاستێکی نوێ.
ئاماژەی بەوەشکرد، ئامانجمان جێبەجێکردنی تەواوی ئەو
چالاکییانەیە کە پلانیان بۆ داڕێژراوە سەرەڕای دژایەتی ئەمریکا و هاوپەیمانەکانی لە
رۆژئاوا.
ئەوەشی خستەڕوو، فشارەکانی سەپاندنی سزا بەسەر ڕوسیا و ئێران
بێ سوودن چونکە پەیوەندییەکانی نێوان ڕوسیا
و ئێران گەیشتۆتە ئاستێکی نوێ و لە بواری بەرگریشدا بەردەوامە لە پەرەسەندن.
رۆژی سێشەممە، وەزیری بەرگری ڕوسیا بە ئامانجی پتەوکردنی
پەیوەندییە سەربازییەکان سەردانی ئێران کرد و ستایشی پەرەپێدانی پەیوەندییەکانی لەگەڵ
تاران کرد کە بە هاوبەشێکی گرنگ بۆ وڵاتەکەی لە ڕۆژهەڵاتی ناوەڕاست وەسفی کرد لەکاتێکدا
هەردوو وڵات رووبەڕووی ڕەخنەی چەند وڵاتێکی ڕۆژئاوا بوونەتەوە.