سەنتەری بومەلەرزەزانی ئەوروپا و دەریای ناوەڕاست بڵاویانکردەوە، بومەلەرزەیەک بەگوڕی ٦.٦ پلەی رێختەر دوورگەکانی فلیپینی هەژاند.
رۆژی سێشەممە، سەنتەری بومەلەرزەزانی ئەوروپا و دەریای ناوەڕاست لە راگەیەندراوێکدا بڵاویکردەوە، بومەلەرزەیەک بە گوڕی ٦.٦ پلەی رێختەر دوورگەکانی فلیپینی هەژاند.
ئاماژە بەوەشکراوە، چەقی بومەلەرزەکە لەقوڵایی ٣١ کیلۆمەتر لە ناوچەکەدا
روویداوە و تا ئێستا هیچ زانیارییەک لەبارەی زیانەکانی بومەلەرزەکەوە ئاشکرا نەکراوە.
لە ١٥ـی حوزەیرانی ئەمساڵیشدا بومەلەرزەیەک بە گوڕی ٦.٢ پلەی رێختەر لە
فلیپین روویدا و بەهۆیەوە زەنگی ئاگادارکردنەوە لە وڵاتەکە لێدرا.
لە مانگی تەمموزی ساڵی رابردووشدا
بوومەلەرزەیەک بە گوڕی ٧ پلە لە پارێزگای ئیبرا ڕوویدا و بەهۆیەوە ١١ کەس گیانیان
لەدەستدا و سەدان کەسیش برینداربوون.
وڵاتی فلیپین بەهۆی ئەوەی دەکەوێتە نزیک زەریای هێمن و دەکەوێتە سەر هێڵی
ئاگرین بومەلەرزە تێیدا چالاکە و رۆژانە چەندان بومەلەرزە بە پلەی جیاواز لەو
وڵاتە روودەدەن.