نەتەوە یەکگرتووەکان رایگەیاند؛ بەهۆی ململانێ چەکدارییەکانی ناوخۆی سودانەوە زیاتر لە چوار ملیۆن کەس ئاوارە بوون و نزیکەی دوو ملیۆن منداڵ لە کەسوکاریان دوورخراونەتەوە.
رۆژی چوارشەممە، نەتەوە یەکگرتووەکان راگەیاندراوێکی بڵاوکردەوە و تێیدا هاتووە؛ بەهۆی ململانێی نێوان هێزە چەکدارەکانی سودان و هێزەکانی پشتیوانی خێرا، چوار ملیۆن و ٨٠٠ هەزار کەس لە ناوخۆ و دەرەوەی سودان ئاوارەبوون.
ئاماژەی بەوەشکرد، بە نزیکەی
یەک ملیۆن کەسیش وەکو پەنابەر روویان لە وڵاتانی دراوسێ کردووە و ٧٢.٣٪ ئەوانەی
ئاوارەبوون لە بنەڕەتدا خەڵکی خەرتومن.
ئەوەشی خستەڕوو، نزیکەی
دوو ملیۆن منداڵ لە ماڵەکانیان دورخراونەتەوە و لە هەر کاتژمێرێکدا بە تێکڕا زیاد
لە ٧٠٠ هەزار منداڵ ئاوارە دەبن.
هاوکات وەزارەتی تەندروستی
سودانیش رایگەیاند؛ بە پێی ئامارەکانی یونیسێف، سەرهەڵدانی نەخۆشی و تێکچوونی تەندروستی
بوونەتە هۆی گیان لەدەستدانی نزیکەی شەش هەزار و ٢٠٠ کەس لە سەرانسەری سودان.
لە ١٥ی نیسانی ئەمساڵەوە شەڕی
ناوخۆ لە سودان لەنێوان سوپای سودان و هێزەکانی پشتیوانی خێرا دروست بووە و سەرۆکی
هێزی پشتیوانی خێراش رایگەیاند: بەمزوانە شەڕی ناوخۆ کۆتایی دێت.