دوو فڕۆکەی عێراقی کە ٣٠ ساڵ لەمەوبەر چوونەتە فڕۆکەخانەی تونس و نەگەڕاونەتەوە لە زیادکردنێکی ئاشکرادا بۆ فرۆشتن نمایش دەکرێن و نرخی هەریەکێکیان لە ٥٠٠ هەزار دۆلارەوە دەستپێدەکات.
رۆژنامەی "نۆرس ئەفریکا پۆست"ی مەغریبی بڵاویکردەوە، دوو فڕۆکەی تایبەت بە عێراق لە زیادکردنێکی ئاشکرادا لە تونس دەفرۆشرێن و ئەو دوو فڕۆکەیە ماوەی ٣٠ ساڵە لە تونس ماونەتەوە و دەگەرێنەوە بۆ سەردەمی جەنگی کەنداو لە ساڵی ١٩٩١.
ئەو دوو فڕۆکەیە لە جۆری
بۆینگن و سەر بە فڕۆکەخانەکانی عێراقن و دەگەرێنەوە بۆ سەردەمی حکومی سەدام حسێن
سەرۆکی رژێمی پێشووی عێراق لە ساڵی ١٩٩١ چوونەتە فڕۆکەخانەی تونس و نەگەڕاونەتەوە.
هەردوو فڕۆکەکە لە ئێستادا
بۆ فرۆشتن نمایشکراون و لە ساڵی ٢٠٢٠ەوە عێراق و تونس رێککەوتنیان لەسەر کردووە،
کە عێراق بڕی ٥.٢ ملیۆن دۆلار بداتە تونس بەرامبەر هەموو ئەو خزمەتگوزارییانەی بۆ
فڕۆکەکانی ئەنجامداوە.
نرخی هەریەکە لە فڕۆکەکان
لە ٥٠٠ هەزار دۆلارەوە دەستپێدەکات و بڕیاربوو لە رێکەوتی ١٨ی مانگی ئاب بفرۆشرێن
بەڵام پڕۆسەکە دواخرا.