PM:01:27:28/08/2023
3592 جار خوێندراوەتەوە
وەزارەتى نەوتى عێراق رایگەیاند، هەرێمی كوردستان لە سێ مانگی یەكەمی ئەمساڵدا بە بەهای دوو ملیار و ٤٦٩ ملیۆن دۆلار نەوتی فرۆشتووە، ئەوەش نزیکەى ٣٠٠ ملیۆن دۆلاری زیاترە لەوەى هەرێم خۆى ئاشکراى کردوە.
بەپێی نوسراوێكی وەزارەتی نەوتی عێراق کە بۆ وەزارەتی دارایی ناردووە، هەرێم لە سێ مانگی یەكەمی ئەمساڵ بە بەهای دوو ملیارو ٤٦٩ ملیۆن دۆلارنەوتی فرۆشتووە، بەڵام لە راپۆرتى دیلۆیت بۆ وردبینى لە داتاکانى نەوتى هەرێمدا هاتووە، داهاتی چارەكی یەكەمی ئەمساڵی نەوتی هەرێم دوو ملیارو ١٧٧ ملیۆن دۆلار بووە.
هاوکات، راپۆرتەكەی وەزارەتی نەوتی عێراق دەڵێت
هەرێم تێكڕای بەرمیلی نەوتی بە ٧٥ دۆلار و
چوار سەنت فرۆشتووە، بەڵام لە راپۆرتى دیلۆییتدا هاتووە تێكڕای نرخی بەرمیلێك نەوتى
هەرێم بە ٦٧ دۆلار و حەوت سەنت فرۆشراوە،واتا جیاوازییەكە هەشت دۆلارە.
لە ٢٥ ئازارى ئەمساڵ پاش بریارى دادگاى ناوبژیوانى
پاریس لەسەر سکاڵاى حکومەتى عێراق هەناردەى نەوتى هەرێم لەڕێگەى بەندەرى جەیهانى
تورکیاوە راگیرا.
