PM:11:18:25/08/2023
3392 جار خوێندراوەتەوە
نۆ کۆچبەری عێراقی لە نزیک دارستانە گڕگرتووەکانی یۆنان دۆزرانەوە و لە ئێستادا تەندروستییان ناجێگیرە چونکە ئاوی پیسیان خواردووەتەوە و چەند رۆژێکە هیچ خواردنێکیان نەخواردووە.
میدیاکانی یۆنان بڵاویانکردەوە، ئێوارەی رۆژی هەینی تیمەکانی ئاگرکوژێنەوە توانیویانە نۆ کۆچبەری بەرەگەز عێراقی ڕزگاربکەن کە رێگایان ونکردبوو و بەرەنگاری مەترسی ئاگرەکەی ناوچەی ئەسکەندەر ببونەوە
تیمە فریاگوزارییە ئەلبانییەکان،
چارەسەری سەرەتاییان بۆ کۆچبەرە عێراقییەکان کردووە و خۆراک و پۆشاکی نوێیان بۆ
دابینکردوون و سەرجەمیان تەندروستییان ناجێگیرە ئەویش بەهۆی خواردنەوەی ئاوی پیس و
کەمخواردن.
ماوەی چەند ڕۆژێکە ئاگرێک لە
دارستانەکانی یۆنان کەوتەوە و تا ئێستا بەردەوامەوە و بەهۆیەوە ١٨ کەس گیانیان لە
دەستداوە و زیانێکی زۆر بەر سەوزایی و سروشتی دارستانەکە کەوتووە.
