سەرۆک کۆماری تورکیا رایگەیاند: لە هەوڵەکانیان بۆ دەستپێکردنەوەی هەناردەی دانەوێڵەی ئۆکرانیا بەردەوامدەبن.
رۆژی سێشەممە، رەجەب تەیب ئەردۆغان سەرۆک کۆماری تورکیا رایگەیاند: وڵاتەكەی بەردەوام دەبێت لە هەوڵەكانی بۆ دەستپێكردنەوەی رێككەوتنی هەناردەكردنی دانەوێڵەی ئۆكرانیا لە رێگەی دەریای رەشەوە، بە لەبەرچاوگرتنی چاوەڕوانی هەمو لایەنەكان.
ئاماژەی بەوەشكرد، دڵنیان لەوەی كە ئاشتییەكی
دادپەروەرانە دێتە ئاراوە و چالاكانە كار بۆ یەكلاكردنەوەی ململانێكان لە ئۆكرانیا
دەكەن.
پاش ئەوەی لە کۆتای
ساڵی رابردوو رێککەوتنی هەناردەی دانەوێڵەی نێوان روسیا و ئۆکرانیا کۆتای هات، بەڵام
دوای ئەوە سێجار درێژکرایەوە و دواجار لە
ناوەڕاستی مانگی تەمووزی ئەمساڵدا روسیا تاکلایەنە کۆتایی بە رێککەوتنەکە هێنا.
دوای کۆتایهاتنی رێککەوتنەکەش ئۆکرانیا
رایگەیاند: بەبێ روسیاش دەتوانن دانەوێڵە هەناردەی جیهان بکەن و لەدوای ئەو
لێدوانەشەوە هێرشەکانی روسیا بۆسەر بەندەرەکانی هەناردەکردنی دانەوێڵە لە ئۆکرانیا
دەستی پێکردووە.