PM:08:35:14/06/2023
2000 جار خوێندراوەتەوە
بەڕێوەبەری پاراستنی خێزان و منداڵانی عێراق رایگەیاند، هەر کەسێک منداڵێک بێ ماڵ و حاڵ بکات یان فێری لادان لە رەفتاری بکات ئەوا ساڵێک یان کەمتر زیندانی دەکرێت و هەر کەسێکیش منداڵ بۆ دەرۆزەکردن یان بازرگانی ئەندامی جەستە بەکاربهێنێت زیندانی هەتاهەتایی بەسەردا دەسەپێنرێت.
عەدنان حەمود بەڕێوەبەری بەڕێوەبەرایەتی پاراستنی خێزان و منداڵان لە توندوتیژی سەر بە وەزارەتی ناوخۆی عێراق بە ئاژانسی هەواڵی عێراقی راگەیاند، دەرۆزەکردن بە منداڵ جۆرێکە لە توندوتیژی خێزانی و تێیدا هەندێک لە دایک و باوکان یان سەرپەرشتکاران منداڵەکانیان ناچار دەکەن دەرۆزە بکەن.
ئاماژەی بەوەشکرد، ئەو کردەوەیە سەرپەرشتی خێزان دەخاتە ژێر یاسای ژمارە ٧٦ی
نەوجەوانان لە ماددەی ٣٠ ساڵی ١٩٨٣ و هەموارەکانی
و بەوپێیە هەر کەسێک نەوجەوانێک یان کەسێکی کەم تەمەن فێری لادان لە رەفتار یان بێ
ماڵ و حاڵ بکات ئەوا زیندانیی دەکرێت بۆ ماوەیەک کە لە ساڵێک زیاتر نەبێت.
ئەوەشی خستەڕوو، هەر کەسێک منداڵ بەکاربهێنێت بۆ لەشفرۆشی و دەرۆزەکردن و بازرگانی ئەندامی جەستە ئەوا ماددەی
٦ی یاسای بازرگانیکردن بە مرۆڤی بەسەردا دەسەپێنرێت و زیندانی هەتاهەتایی دەکرێت و
بە بڕی ١٥ بۆ ١٥ ملیۆن دینار پێبژاردنی بۆ دەکرێت.
لە کۆتایی مانگی ئازاری ئەمساڵ لە هەڵمەتێکی وەزارەتی ناوخۆی عێراق لە ناوەندی پارێزگای بەغدا ٥٠ منداڵی دەرۆزەکەر رەوانەی پۆلیس کران و ٣٠ ژ و ١٥ پیاویش
کە بە شێوەی خێزانی دەرۆزەیان دەکرد دەستگیرکران.
