داواکاریەکەی ئەنجومەنی وەزیران لە فراکسیۆنە
کوردستانییەکانی پەرلەمانى عێراق لە کاتێکدایە، بڕیارە سبەینێ پێنجشەممە، ٨ى
حوزەیرانى ٢٠٢٣، پەرلەمانى عێراق لەسەر دەنگدان بە پڕۆژەیاساى بودجە کۆببێتەوە کە قەبارەی
ساڵانەى بە بودجەیەکى زەبەلاح لە مێژوى عێراقدا هەژمار دەکرێت، کە زیاترە لە ١٩٩
تریلیۆن دینار، لەو بڕەش زیاتر لە ١٦ تریلیۆن دینارى پشکى هەرێمی کوردستانە.
کورد، کێشەی لەسەر گۆڕانکارییەکانی مادەی ١٣ و ١٤ی
پڕۆژەیاسای بودجە هەیە، کە تایبەتن بە پشکی ھەرێم، ئەگەرچی یەکێتى و پارتى دەڵێن
رێککەوتنیان لە بارەى لابردنى ئەو بڕگانەى تایبەتن بە گێڕانەوەى پاشەکەوتى موچە و
چەند بڕگەیەکى تر، بەڵام نایشارنەوە ئەگەر لە بەرژەوەندیی ھەرێمی کوردستان نەبێت،
ئامادە نین دەنگ بە پڕۆژەیاساکە بدەن.
لە بەرامبەریشدا، هەریەک لە سەرۆکى جوڵانەوەى
نەوەى نوێ و فراکسیۆنەکەى لە پەرلەمانى عێراق، هۆشدارى توند دەدەن لە لابردنى ئەو
بڕگانە و جەخت دەکەنەوە، کە دەبێت ئەو بڕگانە وەک خۆى تێپەڕێندرێت، ئەگەر نا
هەڵوێستى دیکەیان دەبێت.
د.ف