باسی لەوەشکرد ئەمڕۆ، لەکاتی کارکردندا پێنج جوتیاری گوندی پەڵکانە دەستگیرکراون و دواتر یەک جوتیاریان ئازادکراوە، ئۆتۆمبێلى کشتوکاڵی و کەلوپەلەکانی دیکەی جوتیارەکانیش لەلایەن ئەو هێزە ئەمنییەوە دەستیبەسەردا گیراوەو نەگەڕێندراونەتەوە.
ئەمەش لەکاتێکدایە، ماوەی چەند ساڵێکە جوتیارانی گوندی پەڵکانەو چەند گوندێکی دیکە لە هەولێر کێشەی داگیرکردنی زەوییە کشتووکاڵییەکانیان هەیە و لە یەکەم رۆژی جەژنی رەمەزان، چەند عەرەبێکی هاوردە هێرشیانکردە سەر گوندی پەلکانە و لە ئەنجامدا چەند گوندنشینێک برینداربوون و
شاندێکی وەزارەتی
پێشمەرگە رایگەیاند، کێشەکە چارەسەرکراوە
دواتر سەرۆکی دەستەی ناوچە کوردستانییەکان وتی، "ئومێدمان بە حکومەتی عێراقە بۆ چارەسەرکردنی دۆخی ئەمنی گوندی پەلکانەو تاکە چارەسەری ئەو دۆخەش لەرێگەی جێبەجێکردنی ماددەی ١٤٠ەوە دەکرێت
".
گوندی پەلکانە دەکەوێتە رۆژئاوای پارێزگای کەرکوک و سەر بە ناحیەی سەرگەڕانەو لەدوای رووداوەکانی ١٦ی ئۆکتۆبەرەوە لەلایەن عەرەبی هاوردەوە هەوڵی دەستبەسەرداگرتنی زەوی جوتیارانی کوردی ئەو ناوچەیە دەدرێت.