ئاماژەی بەوەشدا، لە عێراقدا ٢٤ کارگەی دەرمانی ناحکومی و کۆمپانیای دەرمانی سامەڕا و کۆمپانیای عەرەبی هاوبەش هەڵدەستن بە دروستکردنی دژەزیندەییەکان، سەرجەم ئەو لایەنانە پلانی پەرەپێدانی بەرنامەی کارکردنیان و پلانی هێڵی بەرهەمهێنانیان داناوە و جگە لەوەش ٢٤ کارگەی دیکەی دەرمان دروست دەکرێت.

ئەوەشی خستەڕوو، ماوەی دەیان ساڵە کۆمپانیای دەرمانی سامەڕا بە کوالێتییەکی بەرز کاردەکات، بەڵام دەرمانی کۆمپانیای سامەڕا و کارگە نیشتیمانییەکان رکابەریی دەرمانی هاوردەیان نەکردووە.

باسی لەوەشکردووە، هەندێک لەو دەرمانانەی هاوردە دەکرێن لە کۆمپانیای ناسەقامگیر و کوالێتی خراپ و هەرزان هاوردە دەکرێن و ئەمەش هۆکاری نقومبوونی بازاڕ و پێشنەکەوتنی پیشەسازی دەرمانە لە ماوەی رابردوودا.

ئەوەشی ئاشکراکرد، سەرۆکوەزیرانی عێراق دەڵێت، هاوردەکردنی دەرمان ساڵەنە پێویستی بە زیاتر لە سێ ملیار دۆلارە و لە ئێستادا عێراق ١٠٪ی دەرمانی پێویستی خۆی لە ناوخۆدا بەرهەم دەهێنێت و بە جێبەجێکردنی پلانی خۆجێیکردن، ئاستی بەرهەمهێنانی دەرمان لە ماوەی ساڵێکدا بە رێژەی ١٠٪ بۆ ٢٠٪ بەرز دەبێتەوە و لە ماوەی دوو ساڵدا دەگاتە ٤٠٪ و بە بەردەوامبوونی ئەم بەرنامانە دەگاتە ٥٠٪.

وتیشی، "گەورە کردنی بەرهەمهێنانی دەرمان پارەیەکی زۆر پەیدا دەکات و هەلی کار بۆ هەزارەها کەس دابین دەکات."